Goierriko Hitza

Dioni Galparsoro txirrindulari goierritarrak laugarren etapa irabazi du Asturiasko Itzulian

Kaiku taldeak fin segitzen du Asturiasko Itzulian. Ataungo Dioni Galparsorok laugarren etapa irabazi du eta era horretara bigarren garaipena eman dio Kaiku taldeari hiru egunean. Gaur Asturiasko Itzuliko laugarren etapa zen jokoan, itzuliko luzeena, eta Kaikuko Galparsorok irabazi du. Cangas de Narcea eta Gijon-en arteko 186 kilometroetan ataundarra izan da azkarrena. Etapa gogorra zen gaurkoa, nahiz eta mendate bakarra zuten (3. mailako), baina ibilbidearen gorabehera ugariek hankak apurtzeko egokiera eman dute.
Espainiako Itzuliari begira ari da lanean orain Kaiku. Iraileko probarako oraindik ez dauka gonbidapenik euskal taldeak, eta UCI-Pro Tourrean aritzeko eginahal betean ari dira Kaikukoak, Dioni Galparsoro buru dutela.